Cudurka Corona oo dilay 940 kun oo qof oo addunka

Cudurka Fayras Corona ayaa  waxaa ku dhintay dadka gaaraya 940 kun oo qof oo  daafaha dunida ku nool, tirada cudurkaan haleelayna waxay gaartay 30 milyan, sida ku cad warbixintii u dambaysay ee Jaamacadda Johns Hopkins soo sartay maanta oo khamiis ah.

Warbixintani ayaa waxay sheegeysa in dalka Mareykanka  uu hoggaminaya liiska wadamada uu sida aadka ah u saameeyay karona, waxaana u dhintay dad gaaraya 197,000 oo qof, halka tirada dadka cudurkaan qaba ay gaartay in ka badan 6.6 milyan.

Tirada dadka uu ku dhacay dalka Hindiya waxay kor u dhaaftay 5 milyan, illaa iyo haddana in ka badan 82 kun oo qof ayaa u dhimatay.

Dalka Brasil, oo kaalintaa seddexaad ku jira ayuu cudurku haleelay dad gaaraya 4.4 milyan, waxaana laga diiwaan geliyay inuu galaaftay nolosha dad kor u dhaafaya 134,000 ilaa iyo hada.

Dalalka Ruusha, Peru iyo Kolombiya ayaa iyaguna ku jira wadamada uu saa’id u saameeyay cudurka karoona.

Leave a Reply

Your email address will not be published. Required fields are marked *