Madaxweynaha Axmed Cabdi Kaariye oo la kulmay Safiirka dowladda Sweden u qaabilsan Soomaaliya.

Madaxweynaha Dowlad goboleedka Galmudug mudane Axmed Cabdi Kaariye ayaa mar kale magaalada   Muqdisho kula kulmay Safiirka dowladda Sweden u qaabilsan Soomaaliya.

Madaxweynaha Dowlad goboleedka Galmudug mudane Axmed Cabdi Kaariye  ayaa sheegay in kulanka loogu hadlay xaaladda siyaasadeed ee dalka iyo arrimaha Galmudug.

Mudane Axmed Cabdi Kaariye Qoorqoor ayaa xusay in Galmudug ay qaaday tallaabooyin horumarineed oo ku aadan dhaqaalaha, dib u heshiisiinta iyo amniga, ayna wadamada Soomaaliya taageera oo Sweden ka mid tahay uga baahanyihiin inay ka gacansiiyaan arrimaha samafalka iyo horumarinta.

Staffan Tillander Safiirka Sweden ee Soomaaliya ayaa bogaadiyey waxqabadka Galmudugta cusub iyo doorka ay ka qaadanayso dhismaha dowladnimada Soomaaliya, iyadoo wali curdan ah, waxaana uu balanqaaday in dowladda Sweden ay taageero la garab taagnaan doonto Galmudug iyo Soomaaliya oo dhan.

Leave a Reply

Your email address will not be published. Required fields are marked *